Conferenza da las presidentas e dals presidents

La Conferenza da las presidentas e dals presidents è l'organ directiv e coordinativ dal Cussegl grond. Ella è sut il presidi da la presidenta u dal president dal Cussegl grond. Ultra da las presidentas u dals presidents da las fracziuns represchentadas en il Cussegl Grond tutga d'uffizi a la Conferenza er la vicepresidenta dal Cussegl grond u il vicepresident dal Cussegl grond. Da las incumbensas directivas e coordinativas da la Conferenza da las presidentas e dals presidents fan part tranter auter la coordinaziun da la correspundenza tranter il Cussegl grond e la Regenza, la fixaziun da la glista da tractandas da las sessiuns, la fixaziun da las uras e da la durada da las sesidas u la decisiun davart la renunzia ad ina sessiun, l'assegnaziun per preparar las fatschentas a las cumissiuns e la determinaziun dal proporz da las fracziuns.