Cumissiun per politica da stadi e strategia

La Cumissiun per politica da stadi e strategia (CPSS) consista dad 11 commembras e commembers. Ella è cumpetenta per l'elavuraziun da las finamiras e dals princips politics surordinads dal Cussegl grond. La CPSS predeliberescha las planisaziuns dal champ d'incumbensas e da finanzas a termin mesaun, che vegnan preschentadas da la Regenza e procura per la coordinaziun da las planisaziuns. Ella controllescha, sche las planisaziuns a termin mesaun dal Cussegl grond e da la Regenza adempleschan las finamiras fixadas e sche las mesiras èn efficazias ed è cumpetenta per far rapports e per proponer mesiras da correctura. Ultra da quai predeliberescha la CPSS ulteriuras fatschentas attribuidas ad ella, che pertutgan sia domena.